2020 жылы ШҚО әкімі Даниал Ахметовтің тапсырмасы бойынша Өскемен қаласының 19-тұрғын ауданын абаттандыру бойынша кешенді жоспар құрылды. Бүгін өңір басшысы шағын аудан тұрғындарымен кездесіп, жұмыс қорытындысын талқылап, биылғы жылға жоспар құрды.
Өскеменнің Сол жағалау бөлігіндегі қазіргі заманғы тұрғын ауданның құрылысы 2008 жылы басталған. Мұндағы көпқабатты тұрғын үйлердің құрылысы қаланың бас жоспарын іске асырудағы бірінші кезең болды. Небәрі 12 жыл ішінде мұнда 63 көпқабатты тұрғын үй бой көтерді. Қазір ауданда 20 мыңнан астам адам тұрады.
Мектептер, балабақшалар, ауруханалар және басқа да әлеуметтік нысандар салынды. Бірақ, соңғы уақытқа дейін инфрақұрылымы жаңа ауданның келбетіне сәйкес келмеді. Тұрғын аймақтарда күнделікті тұрмысқа қажетті және бос уақыт үшін қолайлы жағдайлар жасалмаған болатын.
Бұл мәселені шешу үшін ауданды абаттандыру бойынша кешенді жоспар әзірленіп, 1,2 млрд теңге салынды. Бағдарламаның өзі бірнеше негізгі бағыттар бойынша іс-шараларды қамтыды. Біріншіден, бұл автомобиль және жаяу жүргіншілер инфрақұрылымы.
Мұнда ыңғайлы тұрғын үйлердің пайда болуына қарамастан, ауданның кей жерлері тұрғындар үшін “жабайы” аймақ болып қала берді. Биік ғимараттар арасында құрылыс қоқыстары тау боп үйілді. Тротуарлар мен мектептерге бару проблемалары болды.
Сондықтан, 2020 жылы 16 учаскеде аумақты жоспарлау жүргізілді. Барлық құрылыс қоқыстары шығарылды, 4 шақырым жаңа жолдар мен 2 шақырым жаңа тротуарлар салынды, 9 тұрғын үй өтпе жолдармен қамтамасыз етілді.
Екінші бағыт аула аумақтарын абаттандыру болды. Өкінішке орай, өткен жылдары құрылыс барысында көптеген жобалар абаттандыру тұрғысынан минималды конфигурацияны ғана қамтыды. Осылайша, шағын ауданда 10 аула абаттандырылды, соның ішінде балалар ойын және спорт алаңдары, футбол алаңдары, орындықтар, жаңа жарықтандыру, көгалдар отырғызылды.
Бағдарламаның жеке тармағы ауданда адамдарды тарту орталығы, оның визит карточкасы болатын орынды құру болды. Ол Есенберлин даңғылы мен Увалиев көшесін жалғайтын бір шақырымдық жаяу жүргіншілер аллеясы болды. Қазір аллея аудан тұрғындарының отбасылық демалысы үшін сүйікті орын болып табылады.
Жаңа тұрғын үй алабын абаттандырудың маңызды міндеттерінің бірі аулалар мен үйлердің іргетасын жаңбыр мен еріген судан қорғау болды. Қазіргі уақытта мердігерлік ұйым ұзындығы 1,8 шақырым болатын нөсерге қарсы құрылыс жүргізді және жалпы ұзындығы 3,5 шақырым болатын дренажды желілердің құрылысын аяқтады.
Инфрақұрылымды дамытумен қатар, ауданды көгалдандыру мәселесіне де көп көңіл бөлінді. Өткен жылы орталық аллеядан басқа Көкжал Барақ көшесі мен Есенберлин даңғылына ересек қарағайлар отырғызылды. Сондай-ақ, ауданда 11 мыңнан астам ағаш көшеттері отырғызылды.
Шынында да үлкен жұмыс атқарылды. Оның арқасында аудан заманауи инфрақұрылымы және өмір сүру сапасының жоғары деңгейі бар қаланың толыққанды бөлігінің бейнесін алады.
Ауданды дамыту бойынша жұмыстар осы жылы жалғасатын болады. Даниал Ахметовтің тапсырмасы бойынша үш сквердің эскиздік жобалары әзірленді, олар Есенберлин даңғылының бойында орналасатын болады, онда ересектердің демалуына арналған алаңдар, шағын амфитеатр, веложолдар, балалар ойын алаңдары, “скалодром” үйілген төбе орналасады. Саябақтарды көгалдандыруда ағаш және бұталар, аллеялық екпелер, хеджирлеу, гүлзарлар мен көгалдар қолданылады.
Наурыз мерекесі қарсаңында Көкжал Барақ көшесінде 240 орындық балабақша ашу жоспарлануда. Бұдан басқа, физика-математика мектебінің құрылысы үшін жобалау-сметалық құжаттама әзірлеу аяқталуда.
– Бұл бірегей нысан болады. Біздің мамандар Сочиге барып, “Сириус” білім беру орталығының салынып жатқанын көрді. Сондықтан біздің болашақ физика-математика мектебімізде балалар мектеп бағдарламасынан әлдеқайда жоғары білім деңгейін ала алады. Онда облыстың барлық балалары оқи алады, – деді ШҚО әкімі Даниал Ахметов.
