Алматыдағы тігін фабрика жылына 80 000 дана дайын өнім шығарады

Алматы Zibroo тігін фабрикасы – заманауи талаптарға сай келетін жоғары технологиялық спорт киімін жасаушы және өндіруші.

Отандық нарықта 20 жылдан астам уақыт жұмыс істей отырып, кәсіпорында матаны бояудан бастап дайын өнімді вакуумды орауға дейінгі өндірістік процесс үшін қажетті автоматтандырылған жабдықтардың толық кешені бар. Компания жылына 80 000 дана дайын өнім шығарады.

2011 жылы Zibroo VII Қысқы Азия ойындарының ресми киім жеткізушісі болды. Компания Азия ойындарына қосқан ерекше үлесі үшін үкіметтік наградалармен марапатталды. 2014 жылы кәсіпорын Сочидегі (Ресей) XXII Қысқы Олимпиадалық және Параолимпиадалық ойындарына Қазақстан ұлттық құрамасының олимпиадалық киім-кешектерін жасап шығарушысы және өндірушісі болды, осылайша үздік төрт киімнің қатарына енді. Ал ағымдағы жылы компания Лозаннеде өткен (Швейцария) үшінші қысқы Жасөспірімдер Олимпиада ойындарына ресми киім жеткізушісі болды. Zibroo еліміздің құндылықтарына жаңа көзқарас пен Қазақстанның өсіп келе жатқан ұрпақтарындағы патриотизм рухын қалыптастыра отырып, ұлттық нақыштағы өз стилін қалыптастыруға аса мән береді.