Nur Otan партиясының Қостанай облыстық филиалының төрағасы, облыс әкімі өткен праймериздерді қорытындылады.
«Бүгінде адамдар біздің қоғам өміріне белсенді қатысқысы келеді. Өзгерістерге, жаңа тұлғаларға және жаңа идеяларға сұраныс бар. “Nur Otan” партиясы еліміздің жетекші саяси күші бола отырып, бұл сауалға уақытылы жауап берді», – деп атап өтті Архимед Мұхамбетов.
Оның айтуынша, Қостанай облысында праймеризге 800 үміткер белсенді қатысты. Жүздеген кездесулер мен 150-ден астам қоғамдық пікірталастардан тұратын ауқымды үгіт-насихат жұмыстары жүргізілді.
Қостанай облысынан төрт күндік дауыс беруге 38 609 адам қатысты. Келу 85,5% құрады. Бір бөлігі онлайн дауыс берді – 29 215 адам, қалғандары дәстүрлі әдісті қолданып, сайлау учаскелеріне келді.
