Әлеуметтік әріптестік жөніндегі үшжақты комиссияның алғашқы отырысы

Ұлытау облысында әлеуметтік әріптестік жөніндегі облыстық үшжақты комиссияның 2025 жылғы бірінші отырысы өтті.

Күн тәртібінде 2025 жылға арналған Әлеуметтік әріптестік пен әлеуметтік және еңбек қатынастарын реттеу жөніндегі облыстық үшжақты комиссия отырыстарының жоспарын бекіту, «Қазақмыс» корпорациясының еңбек ұжымындағы қазіргі жағдайы, Облыстағы еңбек қатынастарының жалпы ахуалы, жалақының уақтылы төленуі, әлеуметтік және зейнетақы аударымдарының жүзеге асырылуы бойынша қабылданатын шаралар қаралды.

Отырыс барысында Ұлытау облысының әкімі Дастан Рыспеков өңірдегі еңбек қатынастарының тұрақтылығын сақтау және әлеуметтік міндеттемелердің уақтылы орындалуын қамтамасыз ету бойынша бірқатар нақты тапсырма берді.

Атап айтар болсақ, облыстағы барлық кәсіпорындар бойынша жалақы қарыздарын ай сайынғы мониторингілеп, талдау жүргізуді, әлеуметтік және зейнетақы аударымдарының уақытылы төленуін қатаң бақылауда ұстауды, еңбек ұжымдарында даулы мәселелердің алдын алу үшін жұмыс берушілер мен кәсіподақтар арасындағы келіссөздер күшейтуді, әлеуметтік әріптестік аясында өңірдегі өндірістік кәсіпорындармен қосымша ұжымдық келісімдер жасауды пысықтауды тапсырды.

Сонымен қатар, комиссия мүшелері 2025 жылғы жұмыс жоспарын бекітті.