СӘТБАЕВ ДЕЛЕГАЦИЯСЫ САРАН ҚАЛАСЫНЫҢ ТӘЖІРИБЕСІН ЗЕРТТЕДІ

Сәуір айының басында Сәтбаев қаласы әкімдігінің қызметкерлері жұмыс сапарымен Қарағанды облысына барды. Сапардың басты мақсаты – индустриалды және өндірістік аймақтарды құру мен олардың жұмыс істеу тәжірибесін зерделеу, практикалық білім алу, сондай-ақ әлеуетті инвесторларды іздеу.

Сапар барысында делегация Саран қаласындағы индустриалды аймаққа барып, жұмыс істеп тұрған кәсіпорындармен, олардың даму жоспарлары және кеңею мүмкіндіктерімен танысты. Сонымен қатар, индустриалды аймақ аумағында орналасқан кәсіпорындардың басшыларымен кездесу өтті. Кездесу барысында өндіріс орындарының қызметі және екіжақты ынтымақтастықты дамыту мүмкіндіктері талқыланды.