Athletics спорт саябағы қыркүйек айының ортасында ашылады. Қазіргі таңда субұрқаққа жабдық орнату, аумақты абаттандыру және көгалдандыру, қоршау орнату жұмыстары қалды.
Қарағандының Оңтүстік-Шығысында жаңа спорттық-ойын-сауық аймағы пайда болды. Мұнда 3,5 гектар жерге турниктер мен тренажерлардың тұтас кешені орнатылды, үлкен скейтодром, ойын алаңдары, футбол алаңы салынды. Әр түрлі жастағы адамдар салауатты өмір салтын ұстануы үшін барлық жағдай жасалған.
Бұл жобаны іске асыру өткен жылы басталды.
«Темір-Арқа» ЖШС Бас директоры Марат Әбілқайыровтың айтуынша, негізгі жұмыстар аяқталды. Жобалаушылармен қарастырылған барлық спорт ғимараттары бар. Жарықтандыру тіректері, бейнекамералар, мен орындықтар орнатылды. Аллеялар салынды, серуендеу алаңдарына қырлы тастар төселген, веложолдар, кіреберіс жолдар, тұрақтар абаттандырылған.
– Бұл саябақта қазірдің өзінде спорт сүйер қауым белсенді жаттығып жатыр, – дейді Марат Әбілқайыров, – Жаңа скейтодромды қуана игеріп жатыр. Сонымен бірге Athletics-те жұмыс жалғасуда. Қазір біз аумақты көгалдандырудамыз. Жоба бойынша мыңнан астам бұталар мен 180 түрлі ағаштар отырғызу қарастырылған.
Сондай-ақ үнемделген қаражат есебінен мердігер тұрғын үй кешенінің құрылысы жағынан балалардың қауіпсіздігі үшін қоршау қояды. Стационарлық дәретхана да қарастырылған. Көп ұзамай спорт паркі салауатты өмір салтын ұстанатындардың көптеп жиналатын алаңына айналады деп күтілуде. Мұндай қоғамдық орындар барлық жағынан, халықтың барлық санаттары үшін, соның ішінде мүгедектігі бар адамдар үшін де қолайлы болуы тиіс.
Құрылыс компаниясының бас директоры атап өткендей, жаңа жобаның басты ерекшелігі атақты боксшы Геннадий Головкиннің бейнесін құратын шағын сәулет нысандары болды. Жақын маңда GGG атындағы дене шынықтыру-сауықтыру кешені салынады деп болжануда.
