Футзалдан әлем чемпионаты 2021 жылға шегерілді

ФИФА футзалдан әлем чемпионатын 2021 жылға ауыстырды. Турнир келесі жылы 12 қыркүйек пен 3 қазан аралығында Литвада өтеді. Алғашында чемпионат 2020 жылға жоспарланған болатын деп жазады Olympic.kz.

Қазіргі әлем чемпионы атағы 2016 жылы топ жарған Аргентинаға тиесілі. Әлем чемпионатына 24 команданың 13-і жолдама алып үлгерді. Оның ішінде, Қазақстан құрамасы да бар.

Айта кетелік, Қазақстан командасы элиталық раундтың іріктеу турнирінде алты ұпаймен D тобында көш бастады. Қазақстанмен бірге Чехия, Румыния, Словения сынға түсті.