Мажарстан премьер-министрі Қырғызстанға ресми сапармен барады
Бұл туралы Қырғыз Республикасы Президенті Әкімшілігінің сыртқы саясат бөлімінің меңгерушісі Мұратбек Азымбакиев мәлім етті.
Оның айтуынша, алдағы сапар аясында Қырғызстан мен Мажарстан арасында жоғары деңгейдегі келіссөздер жоспарланған. Сондай-ақ тараптар қырғыз-манжар стратегиялық серіктестігінің кең ауқымды мәселелерін талқылайды.
«Сапар қорытындысы бойынша қырғыз-мажар екіжақты ынтымақтастығын одан әрі дамыту және нығайтуға бағытталған бірқатар құжатқа қол қою жоспарланып отыр. Сонымен қатар 6 қарашада Мажарстан Премьер-Министрі Виктор Орбан Түркі мемлекеттері ұйымына мүше мемлекеттер басшылары кеңесінің отырысына қатысады», — деді М.Азымбакиев.
Бұған дейін 5 қарашада Түркия президенті Режеп Тайып Ердоған Қырғызстанға мемлекеттік сапармен баратынын жазған болатынбыз.
