Шығыс Қазақстан облысында алғашқы қар жауды
Шығыс Қазақстан облысында биыл да алғашқы қар ерте түсті.
18 қыркүйекте Шығыс Қазақстан облысы Қатонқарағай ауданына қарасты Өрел ауылында алғашқы қар жауды.
Катонқарағайда түнде температура -2 градусқа дейін төмендеген, ал күндіз +13 градусқа дейін көтеріледі деп болжанды
Айта кетейік, былтыр бұл аймақта алғашқы қар тамыз айында жауған болатын.
ШҚО: қауіпсіздік – біздің басымдығымыз!
2024 жылғы 4 қыркүйекте Шығыс Қазақстан облысы Діни бірлестіктер басшылары клубының аланында жергілікті атқарушы органдары, ҚР Ұлттық қауіпсіздік комитеті және полиция департаментері өкілдерінің қатысуымен діни қызмет саласында жұмыс істейтін террористік тұрғыдан осал объектілердің терроризмге қарсы қорғалуын ұйымдастыру жөніндегі нұсқаулық бойынша түсіндірме жұмыстары жүргізілді.
Іс-шара барысында келесі тақырыптар талқыланды:
– Қазақстан Республикасы Үкіметінің 2021 жылғы 6 мамырдағы № 305 қаулысымен бекітілген террористік тұрғыдан осал объектілердің терроризмге қарсы қорғалуын ұйымдастыруға қойылатын талаптар;
– Қазақстан Республикасы Ұлттық қауіпсіздік комитеті Төрағасының 2020 жылғы 27 қазандағы № 69-қе бұйрығымен бекітілген Ұлттық бейнемониторинг жүйесінің жұмыс істеу қағидалары;
– Террористік тұрғыдан осал объектілердің терроризмге қарсы қорғалуының паспортын Қазақстан Республикасы Ішкі істер министрінің 2023 жылғы 14 маусымдағы № 481 және Қазақстан Республикасы Ұлттық қауіпсіздік комитеті Төрағасының 2023 жылғы 26 маусымдағы № 51/қе бірлескен бұйрығымен бекітілген үлгісіне сай өзектендіру;
– көрінеу жалған хабарлама үшін жазаның бұлтартпастығы;
– қолдан жасалған жарылғыш құрылғының белгілері және табылған жағдайдағы іс—әрекет алгоритмі;
– террористік сипаттағы қатерлердің салдарын азайту мен жоюды мақсатында кезекші қызметтерге хабарлау схемасы;
– терроризм актісін болғызбауға немесе жолын кесуге көмектескен ақпарат үшін сыйақы белгілеу және төлеу қағидалары.
Діни бірлестіктер басшылары біқатар өзекті сұрақтарға жауап алды.
