Созақ ауданыңда «Тұрмыстағы өрт қауіпсіздігі, Баланың отпен ойнауын алдын алу» түсіндіру жұмыстары жүргізілді

Созақ ауданы Төтенше жағдайлар бөлім қызметкерлері білім ордасында қауіпсіздік мәдениетін арттыру бойынша “Тұрмыстағы өрт қауіпсіздігі, Баланың отпен ойнауын алдын алу, Автокөліктегі өрт қауіпсіздігі шаралары“ және “Жазғы кезеңдегі балалардың Судағы қауіпсіздік ережелері мен өрт қауіпті маусым” тақырыбында оқушыларға интерактивті сабақтар өткізіліп, кең көлемде түсіндіру жұмыстары жүргізілді.

Тұрмыстағы өрт қауіпсіздігі ережелерін сақтамау тек қана мүліктің бүлінуіне ғана емес, сонымен қатар адамдардың қаза болуына әкеп соқтырады. Тұрмыстық өрттердің статистикасы облыс аумағында өрттердің ең көп саны тұрғын үй секторында орын алатындығын дәлелдейді. Әдетте, олардың барлығы электр сымдарының немесе жылыту аспаптарының ақаулығына байланысты.

Тұрмыстық өрттердің ең көп саны жеке сектор объектілерінде тіркелген, онда қауіпсіздік ережелерін сақтау жауапкершілігі меншік иесінің өзіне жүктелген. Сонымен қатар, 57% – дан астам жағдайда өрт отты абайсыз пайдалану салдарынан (темекі шегу, алау және т.б.) орын алады. Көптеген өрттер балалардың отпен ойнауынан туындайды.

Қостанай облысының ТЖД азаматтарды өрт қауіпсіздігі ережелерін барынша жауапкершілікпен сақтауға, сақ болуға және өртті сөндіруден гөрі алдын алу әлдеқайда оңай екенін есте сақтауға шақырады. Балаларды қараусыз қалдырмаңыз, төсекте темекі тартпаңыз, тұрмыстық және басқа да техниканы пайдалану жөніндегі нұсқауларды сақтаңыз, электр сымдарының оқшауламасы бұзылған аспаптарды пайдаланбаңыз.

Пәтерде өрт орын алған жағдайда жүргізілетін профилактикалық алдын алу іс-шаралары:

• Үйде бензин, керосин, тез тұтанатын сұйықтықтарды сақтамаңыз.
• Ең болмағанда бір өрт сөндіргішті сатып алыңыз.
• Қосылған электр және газ плиталарын, шәйнектерді, үтіктерді, қабылдағыштарды, теледидарларды, жылытқыштарды қараусыз қалдырмаңыз.
• Электр сымдарының, розеткалардың жарамдылығын қадағалаңыз.
• Бір розеткаға бірнеше тұрмыстық электр аспаптарын (әсіресе үлкен қуатты) қоспаңыз.
• Ашық отта бояуларды, лактарды және т. б. жылытпаңыз.

Алайда бірінші кезекте бір негізгі ережені есте сақтауға кеңес береміз: ашық жану туралы айтпағанда, жеңіл түтін иісін сезген бойда, дереу «101» немесе «112» телефондары арқылы өртке қарсы қызметті шақырыңыз.