Алматыда автобус өртенді

Алматыда автобус өртенді, – деп хабарлайды janalyq.kz.

Куәгерлердің айтуынша, оқиға Қарасу шағынауданында болған. Желіде 144 бағыттағы автобустың өртеніп жатқаны түсірілген видео пайда болды.

Алматы Төтенше жағдайлар департаменті мәліметінше, өртті құтқарушылар сөндірген.

“Бүгін сағат 11:45-те “Қарасу” шағынауданында жанып жатқан автобус туралы хабарламаға Алатау өңірінің құтқарушылары жіберілді. Құтқарушылар 11:53-те жетті, автобус ішінде жолаушылар болған жоқ. Өрт 12:00-де сөндірілді. Жалын 10 шаршы метр аумақты шарпыған. Зардап шеккендер жоқ. Өрттің шығу себебі анықталып жатыр”, – деп хабарлады Алматы қалалық ТЖД баспасөз қызметі.