Коронавирус пандемиясы кезінде 6 мыңға жуық турист елге қайтарылды – Ақтоты Райымқұлова

Бүгін Қазақстан Республикасы Президенті жанындағы Орталық Коммуникациялар қызметі алаңында өткен халық алдында есеп беру кездесуінде Мәдениет және спорт министрі Ақтоты Райымқұлова коронавирус пандемиясы кезінде демалысқа кеткен туристерді елге қайтару бойынша жасалған шаралар жайында айтты.

«Əлемдік пандемия кезінде чартерлік жəне тұрақты рейстермен 5 914 Қазақстан азаматы елге жеткізілді. Сонымен қоса қиын қыстау сəтті туризм индустриясын қолдау мақсатында мемлекет тарапынан көптеген шаралар жасалып жатыр. Мəселен, салық жəне кредит жағынан жеңілдіктер енгіздік. Сондай-ақ осы саладағы кəсіпкерлер шығынын өтеуге қатысты инвестиция преференциялары қолға алынып жатыр»,-деді министр.