Жаңа алтын өндіру фабрикасы іске қосылады
“Алтыналмас АК”АҚ “Долинное” жаңа алтын өндіру фабрикасында іске қосу-жөндеу жұмыстарын жүргізуде. Іске қосылатын фабриканың өндірістік қуаты жылына 2 500 000 тонна кенді немесе 320 т/сағ. құрайды. Технологиялық процестің толық циклі “SCADA” автоматтандырылған басқару жүйесінің көмегімен жүргізіледі және бақыланады. Озық технологияларды қолдану фабриканың толассыз өнімділігін арттыруға және сонымен бірге барлық технологиялық процестің жоғары қауіпсіздігін қамтамасыз етуге мүмкіндік береді.
“Долинное” кен орнының кенін өңдеудің технологиялық желісі үш сатылы ұсақтауды, кейіннен ірі көлемді шарлы диірменде бір сатылы ұсақтауды қамтиды, ол Қазақстан кәсіпорындарында көлемі бойынша үшінші диірмен болып табылады, ол ірілігі 63 мкм ұсақталған материалды алу шартымен жобаланған. Зауыттың дайын өнімі Доре қорытпасы болады.
Қабылданған сызбаның негізгі циклі әткеншек іспетті күбілердің конфигурациясы бар “Pampсell Plant” қондырғысында өтетін CIP процесі болып табылады.
Қарағанды облысының “Ақтоғай” өндірістік учаскесінде орналасқан “Долинное” жаңа фабриканы пайдалануға беру кенді қайта өңдеу бойынша Ақтоғай өндірістік алаңының жалпы қуатын жылына 5 200 000 тоннаға дейін, ал тау – кен массасын өндіру бойынша-жылына 50 000 000 тоннаға дейін ұлғайтуға мүмкіндік береді. “Долинное” соңғы 10 жылда салынған және іске қосылған “Алтыналмас АК” АҚ 4-ші фабрикасы болды. Жобаны қаржыландыратын банк Еуразиялық Даму Банкі.
“АК Алтыналмас” АҚ-толық геологиялық, тау-кен өндіру және алтын өңдеу циклінің компаниясы. Компания 1993 жылы “Қазалтын” Республикалық өндірістік бірлестігі мен “Қазалмазалтын” Консорциумының кәсіпорындары мен ұйымдары негізінде құрылды.
Кәсіпорын қызметінің негізгі бағыттары: құрамында алтыны бар кенді өндіру және қайта өңдеу; геологиялық барлау жұмыстары; жобалау және құрылыс-монтаж жұмыстары; ғылыми-зерттеу, жобалау және іздестіру жұмыстарын қаржыландыру; бағалы металдарды барлау, өндіру және қайта өңдеу жөніндегі өндірістерді салу және қайта жаңарту болып табылады.
Компанияның активтері Қазақстанның 4 өңірінде шоғырланған: Жамбыл, Қарағанды, Шығыс Қазақстан және Ақмола облыстарында. Құрамында алтыны бар кенді өндіру “Алтыналмас АК” АҚ 15 кен орнының 5-інде жүргізіледі. Пайдалы қазбалар “Ақбақай” алтын өндіру фабрикасында, “Пустынное” байыту фабрикасында және “Altynalmas Technology”бағалы металдарды өндіру зауытында өңделеді.
Бүгінгі таңда компания жарақаттану деңгейін төмендетумен өндірістің тиімділігін арттыруға бағытталған алдыңғы қатарлы жобалар мен бағдарламаларды іске асыруда. Мысалы, 2017 жылдан бастап кәсіпорын операциялық тиімділікті арттыру, өндірістік шығындарды төмендету және озық тәжірибелер мен құралдарды енгізу жолымен жұмыс орындарында қауіпсіздікті арттыру мақсатында “Цифрлық кеніш” бизнес-процестерін автоматтандыру және цифрландыру бойынша жобаны жүргізеді. “Цифрлық кеніш” сандық технологиялар мен Индустрия 4.0 элементтерін енгізуді қамтиды және тау-кен металлургия саласы ауқымында, тіпті бүкіл мемлекет ауқымында да маңызды мәнге ие.
Ал, 2018 жылы “АК Алтыналмас” АҚ “Ақтоғай” жобасына Mine to mill (M2M) әдістемесін енгізу процесін іске қосты.
Бұл әдісті енгізу үшін Австралиялық Esen Mining Consulting компаниясы тартылды. M2M әдісі Филиппин, Австралия, Канада, Гана және Перу сияқты елдердің өндірістік кәсіпорындарының қызметінде сәтті қолданылған.
Mine to Mill (ағылшын тілінен аударғанда – “кеніштен фабрикаға дейін”) – кенді өндіруді оңтайландырудың, ұсақтаудың, сондай-ақ кен тоннасына қайта есептегенде шығындарды төмендету және өндірістің тиімділігін арттыру мақсатында оны одан әрі ұсақтаудың интеграцияланған стратегиясын әзірлеуге бағытталған әдістеме.
Бүгінде бұл әдістеме фабрика жұмысының нәтижесіне оң әсер етті. Ұсақтаудан кейін кенде ұсақ кластың шығуы артты, кенді ұсақтауға және ұсақтауға электр энергиясын тұтыну төмендеді, сондай-ақ фабрика өнімділігі сағатына 270 тоннадан 350 тоннаға дейін артты. Әдістеме қысқа мерзімде Пустынное кен орнында жылына 2,5 млн тонна кен өндіру және өңдеу бойынша жобалық көрсеткіштерге қол жеткізуге мүмкіндік берді.
2019 жылдан бастап компанияда “Sana Safety-саналы қауіпсіздік” ауқымды 3 жылдық жобаны іске асыруды бастады. Ол еңбекті қорғау мен өнеркәсіптік қауіпсіздікті басқару жүйесін жетілдіруге, сондай-ақ компаниядағы қауіпсіздік мәдениетін дамытуға бағытталған. Sana Safety өнеркәсіптік қауіпсіздік және еңбекті қорғау (ӨҚ және ЕҚ) саласындағы үздік әлемдік тәжірибелерді енгізуді қамтиды. Жобаны іске асыру нәтижесінде қауіпсіздік жөніндегі жоғары халықаралық стандарттарды сақтауға барлық қызметкерлерді тарту, желілік басшылардың қауіпсіздік үшін жауапкершілігін арттыру, тиімді екі жақты ақпарат алмасу, үздіксіз оқыту және қызметкерлердің қауіпсіздік дағдыларын дамыту процесі, тергеуге және оқиғалар туралы есептер жасауға жаңа көзқарас күтілуде. Компания жобалары Қазақстанның индустрияландыру картасына енгізілген. Кәсіпорын өңірлерді әлеуметтік қолдауға ерекше көңіл бөледі және олардың дамуына қаражат салады. Өндіріс ошағында 2000-нан астам еңбек етеді.
