Қазақстан және Сингапур шахмат шеберлері онлайн матч өткізді
Қазақстан мен Сингапурдің жасөспірімдер мен 12, 14, 16, 18 және 20 жасқа дейінгі қыздар құрамалары арасындағы халықаралық онлайн матч Нұр-Сұлтан уақытымен сағат 14:00-де басталды, деп хабарлайды ҚазАқпарат Қазақстан шахмат федерациясының сайтына сілтеме жасап.
Қазақстан шахмат федерациясы ел құрамасының құрамын бекітті. Мемлекет атынан ерлер мен 12, 14, 16, 18 және 20 жасқа дейінгі қыздар арасында 20 шахматшы шығады.
Жасөспірім жігіттер құрамасына енгендер: Жандос Ағманов, Сұлтан Аманжол, Рамазан Жалмаханов, Әлрами Алдабергенов, Қазыбек Нөгербек, Айтуар Жүкенов, Сәтбек Ахметдинов, Тимур Кенбеилов, Алдияр Аңсат, Даниял Сапенов.
Жасөспірім қыздар құрамасында ойнайтындар: Әмина Қайырбекова, Зейнеп Сұлтанбек, Сақыпжамал Бармағамбетова, Арайлым Әліпбек, Ксения Балабаева, Лия Құрманғалиева, Алуа Нұрманова, Аяулым Қалдарова, Зарина Нұрғалиева, Қализа Айжарық.
Қазақстан мен Сингапур арасындағы матчты ұйымдастырушылардың бірі сингапурлік гроссмейстер Кевин Го, ол коронавирус инфекциясынан зардап шеккен отбасыларға қолдау көрсететін #ChessAgainstCovid бастамашыл тобын құрған.
Матч Twitch және Lichess.org платформаларында көрсетіліп жатыр. Матчты ерлер құрамасының көшбасшысы, халықаралық гроссмейстер Ринат Жұмабаев пен сингапурлік халықаралық гроссмейстер Кевин Го жүргізіп отыр.
Шара Қазақстан мен Сингапурдің ұлттық шахмат федерацияларының және Қазақстан Республикасы мен Сингапур Республикасы елшіліктерінің қолдауымен өтіп жатыр.
