Қазақстанда 2021 жылдың 10 қаңтарында Парламент Мәжілісі депутаттарының және мәслихаттардың кезекті сайлауы өтеді.
Дауыс беру сайлау учаскесіне тиесілі аумақта тұрғылықты жері бойынша тіркелген, жергілікті атқарушы органдар жасаған сайлаушылар тізімдері бойынша өткізілетін болады. Оған: белсенді сайлау құқығы бар, 18 жасқа толған, әрекетке қабілетті, сот үкімі бойынша бас бостандығынан айыру орындарында тұрмайтын Қазақстан азаматтары енгізіледі.
Өзіңіздің сайлау учаскеңіз туралы мәліметтерді ЖСН, тегіңіз, атыңыз, әкеңіздің аты және туған күніңіз бойынша немесе тіркелген мекенжайды (көше, үй) келесі сервистерде көрсете отырып, онлайн алуға болады:
1. Қала әкімдігі astana.gov.kz. сайтының басты бетінде “Сіздің сайлау учаскеңізді табу” батырмасын басу керек;
2. IKomek бірыңғай байланыс орталығы 24/7 режимде 109 телефоны бойынша жұмыс істейді. Операторлар телефон қоңырауларына жауап береді және өтінішті iKomek мессенджерлері арқылы да жолдауға болады: Telegram @Nursultanikomek109_bot; “iKOMEK109” мобильді қосымшасы (Play Store/App Store); Facebook @ikomek109; эл. пошта 109@ikomekastana.kz; Instagram @ikomek109;
3. Smart Astana мобильді қосымшасы. Android және iOS платформалары үшін қол жетімді;
4. Телеграм чат-бот @smartastana_bot.
Егер адам өзін сайлаушылар тізімінен таппаса, онда ол жергілікті атқарушы органға жазбаша өтінішпен баруы керек. Нұр-Сұлтан қаласы бойынша аудандық әкімдіктерге жүгінуге болады.
Уақытша тіркелген азаматтар сайлаушылар тізіміне олардың жергілікті атқарушы органдарға берген өтініші негізінде ғана енгізілуі мүмкін. Егер сайлаушыға сайлаудан кемінде 30 күн бұрын, яғни 10 желтоқсаннан кешіктірмей, сайлау күні оның тіркелген жері бойынша дауыс беруге арналған учаскеге келу мүмкіндігі болмайтыны белгілі болса, ол өзі дауыс бере алатын жері бойынша жергілікті атқарушы органға (ЖАО) оны сайлаушылардың тиісті тізіміне енгізу туралы жазбаша өтінішпен жүгінуіне құқылы.
Бұл ретте, ЖАО оны тіркелген жері бойынша сайлаушылар тізімінен шығаруды және оны дауыс беруді жоспарлап отырған сайлаушылар тізіміне енгізуді ұйымдастырады.
Бір азамат сайлаушылардың бір ғана тізіміне енгізілуі мүмкін. Әрбір адам сайлаушылар тізімінен өзін-өзі тексеруге және сайлаушылар тізіміне дұрыс енгізілмегені немесе тізімнен шығарылып тасталғаны, сондай-ақ сайлаушылар туралы деректерде қателіктің жол берілгені үшін шағымдануына құқылы
