Нұр-Сұлтанда көше баскетболының жаңа алаңы ресми түрде ашылды
12 қыркүйек күні Нұр-Сұлтанда астаналық триатлон саябағының маңындағы «Арқар» көпірінің астында көше баскетболы алаңы ресми түрде ашылып, оған Нұр-Сұлтан қаласының әкімі Алтай Күлгінов пен Алматы ауданының әкімі Бектенбай Есболовтар қатысты. Олардан бөлек, жаңа алаңды Қазақстан Ұлттық Баскетбол Федерациясының президенті Марат Шәкіров та келіп көрді.
Бұл шараның ең қызықты оқиғасы Қазақстан ерлер Ұлттық құрамасы мен «Астана» президенттік баскетбол клубы ойыншылары көрсеткен шеберлік сабақтары болды.Жаттықтырушы Евгений Исаковтың дала бөрілері Қазақстанның Ұлттық Студенттер Баскетбол лигасы ойыншылары мен «Астана» балалар баскетбол академиясының, №5 жасөспірімдер спорт мектебі оқушылары үшін ашық жаттығулар өткізді.
