Денсаулық сақтау объектілерінде қауіпсіздік индексін бағалау құралын пайдалану жөніндегі халықаралық семинардың қорытындысы шығарылды
Ағымдағы жылдың 29 тамызында Түркістан облысы Төтенше жағдайлар департаменті (ТЖД) Азаматтық қорғаныс басқармасының аға офицері, аға лейтенант И. Абдулхаков қатысқан Дүниежүзілік денсаулық сақтау ұйымы (ДДҰ) ұйымдастырған ауруханалардың қауіпсіздік индексін (АҚИ) бағалау құралын пайдалану бойынша семинар аяқталды.
Семинардың негізгі мақсаты қатысушыларды денсаулық сақтау объектілерін табиғи және техногендік сипаттағы төтенше жағдайларға дайындау үшін АҚИ-ды пайдалануға үйрету болды. АҚИ бағалау құралы ауруханалардың төтенше жағдайлар кезіндегі дайындық деңгейін анықтауға және олардың қауіпсіздігін арттыруға бағытталған.
Семинарға Денсаулық сақтау министрлігі, Төтенше жағдайлар министрлігі және Дүниежүзілік денсаулық сақтау ұйымының мамандары қатысты. Олардың бірлескен жұмысы ауруханалардың қауіпсіздік деңгейін бағалау және төтенше жағдайларға дайындықты жақсарту бойынша тәжірибе алмасуға мүмкіндік берді.
Семинар аясында ТЖМ қызметкерлері Алматы қаласының Орталық қалалық клиникалық ауруханасында АҚИ бойынша бағалау жүргізді. Бұл бағалау жұмыстары аурухананың төтенше жағдайларға дайындық деңгейін анықтап, қажетті шараларды қабылдау үшін маңызды болды. Денсаулық сақтау ұйымдарының қызметкерлеріне азаматтық қорғаныс іс-шараларын орындауға дайындық бойынша әдістемелік көмек көрсетілді.
Семинар қорытындысы бойынша барлық қатысушыларға Алматы қаласында АҚИ бойынша оқудан өткені туралы сертификаттар берілді. Бұл сертификаттар олардың денсаулық сақтау объектілерінің қауіпсіздігін бағалау және төтенше жағдайларға дайындық бойынша алған білімдері мен дағдыларын растайды.
Бұл семинар денсаулық сақтау саласындағы қауіпсіздік деңгейін арттыруға және ауруханалардың төтенше жағдайларға дайындықты жақсартуға бағытталған маңызды іс-шара болды. Түркістан облысы ТЖД қызметкерлері бұл тәжірибені өз өңірінде қолдану арқылы денсаулық сақтау объектілерінің қауіпсіздігін қамтамасыз етуге және азаматтардың денсаулығын қорғауға үлес қосады.
