Алматыда суық су өшіріледі

Алматыдағы аудандардың бірінде суық су уақытша өшіріледі, – деп хабарлайды janalyq.kz.

Медеу ауданы әкімдігі мәліметінше, Алматыда 16 шілдеде сағат 09:00-ден 21:00-ге дейін су желілеріндегі жабдықтарды ауыстырады.

“Осы уақытта Медеу ауданында: Достық даңғылы, Қажы Мұқан көшесі, Назарбаев даңғылы, Сәтбаев көшесі, сондай-ақ Самал-1, Самал-2 және Самал-3 шағынаудандарының шекарасында суық су өшіріледі. Жұмыстан кейін су уақытша өзгеруі мүмкін. Кір жуғыш немесе ыдыс жуғыш машиналарды су толығымен шайылғанша пайдаланбаңыз”, – делінген хабарламада.

Алматылықтардан мәжбүрлі уақытша қолайсыздыққа түсінікпен қарау сұралады.