Түркістан облысында «Жер-2024» оқу-жаттығуы өтті

Оқу-жаттығу аясында қатысушылар мен облыс тұрғындарына жойқын жер сілкінісі кезіндегі қауіпсіздік ережелері түсіндіріліп, қауіпсіз орындарды анықтау, эвакуациялау, зардап шеккендерге алғашқы медициналық және психологиялық көмек көрсету, авариялық-құтқару жұмыстарын жүргізу сияқты іс-шаралар көрсетілді.      

Облыста жалпы 176 нысандарда сейсмикалық жаттығулар өткізілді. Іс-шара барысында 2 мыңға жуық адамды эвакуациялау бойынша іс-шаралар жүргізілді.

Сонымен қатар, Сарыағаш қаласында 8 балдық жер сілкінісі болуы ықтимал жалпы 30 шатырдан тұратын қалашық құрылды.

Жер сілкінісінен туындаған ғимараттардың, құрылыстардың қирауы, зақымдануы салдарынан күрделі жағдай туындады, оның барысында өрттерді сөндіру бойынша практикалық іс-шаралар, инженерлік жұмыстар және зардап шеккендерге медициналық көмек көрсету пысықталды.

Жаттығуға жалпы 65 техника, 180 жеке құрам жұмылдырылды.