Қазақстанда көшеде вейп ұстағандар тоқтатылып, қайдан алғаны сұрала ма?

Жақын арада Қазақстанда вейпті таратуға және сатуға тыйым салынуы мүмкін. Ішкі істер министрі Ержан Сәденовтен заң талаптарын орындамағандар қалай анықталатыны сұралды, – деп хабарлайды janalyq.kz.

“Жедел жұмыс, бізде ол заңды негізде. Барлық тетік бар”, – деді министр Мәжіліс кулуарында.

Журналистер “қазақстандықтарды көшеде тоқтатып, олардан вейпті қайдан алғаны сұрала ма” деп нақтылау сұрағын қойды.

“Керек болса, табамыз”, – деп қысқа жауап берді Сәденов.