12-ші Salomon Cappadocia Ultra-Trail қазан айында өтеді
Әлемге танымал Каппадокия – спорт пен приключения аймағы! 2025 жылдың 17–19 қазанында Түркияның беделді спорттық шарасы – 12-ші Salomon Cappadocia Ultra-Trail ультрамарафоны өтеді. Жарыс Түркияның Спорт министрлігі, TGA және жергілікті әкімдіктердің қолдауымен ұйымдастырылады.
Salomon Cappadocia Ultra-Trail – жыл сайын өтетін халықаралық спорт мерекесіне айналған жарыс. Биылғы бағдарлама төрт түрлі бағыттан тұрады:
- Cappadocia MINI Trail (CMIT) – жаңадан бастаушыларға арналған 14 км жол, биіктік айырмасы 308 м. (17 қазан, 15:00)
- Cappadocia Short Trail (CST) – 38 км, 1120 м биіктік айырмасымен, Каппадокия аңғарларының көркін ашатын бағыт. (18 қазан, 10:00)
- Cappadocia Medium Trail (CMT) – орташа деңгейлі 63 км жол, 2030 м биіктік айырмасымен. (18 қазан, 07:00)
- Cappadocia Ultra-Trail (CUT) – жарыстың ең беделді кезеңі: 119 км, 3730 м биіктік айырмасымен, шынайы төзімділікті сынайтын бағыт. (18 қазан, 07:00)
Каппадокияның ерекше бедері, көк аспанды көмкерген аэростаттық ұшулар, жерасты қалалары, жартастан қашалған шіркеулер, және тас үңгір қонақүйлерінде түнеу сынды тәжірибелер бұл өңірді нағыз сиқырлы мекенге айналдырады. Аймақтың жергілікті тағамдары мен шараптары да ерекше танымал, ал соңғы уақытта Каппадокия MICHELIN Guide Türkiye картасына енгізіліп, гастрономиялық туризмнің де жаңа бағытына айналды.
2024 жылы аймақтың мұражайлары мен археологиялық нысандарына 4,37 миллионнан астам турист келген. Бұл көрсеткіш Каппадокияның әлемдік деңгейдегі туристік брендке айналғанының дәлелі.
Қазіргі таңда Каппадокия қазақстандық туристердің де сүйікті бағыттарының бірі. Әсіресе, ауа шарымен таңғы ұшу немесе жергілікті қыш шеберханаларында қолөнер жасау – саяхатшылар үшін ұмытылмас әсер қалдырады.
