Жаңалықтар
Құрылтай депутаттарын сайлау күні ел бойынша 10 мыңнан астам сайлау учаскесі жұмыс істейді.
Оның ішінде 80-нен астамы шетелде орналасады.
Сарапшылар қазақстандықтарды сайлауға жауапкершілікпен қатысуға шақырады. Себебі Құрылтайдың жаңа құрамы елдің болашақ дамуына ықпал ететін маңызды шешімдер қабылдайды.
Олардың айтуынша, бір палаталы Құрылтайға көшу – атаудың өзгеруі ғана емес, саяси жүйені жан-жақты жаңғыртуға бағытталған қадам. Соның нәтижесінде заңдар жедел әрі тиімді қабылданып, артық бюрократиялық рәсімдер азаяды.
Сондай-ақ сарапшылар Құрылтайдың жаңа құрамы саясатқа жаңа буынның келуіне және тың бастамалардың жүзеге асуына жол ашады деп есептейді.
