Қаражал қаласында «Жас Ұлан – 2025» қалалық әскери-патриоттық сайысы өтті

Ұлы Жеңістің 80 жылдығы мен Отан қорғаушылар күніне орай Қаражал қаласында жастар арасында «Жас Ұлан – 2025» атты қалалық әскери-патриоттық сайыс өтті. Іс-шараға мектептер мен колледждердің командалары қатысып, өздерінің күш-жігері мен патриоттық рухын көрсетті.

Сайыс барысында қатысушылар саптық дайындық, АК-74 автоматын жинау мен бөлшектеу, пневматикалық мылтықпен ату сияқты әскери жаттығуларда бақ сынасты.

Қазылар алқасының құрамында:
– Қаражал қаласы әкімінің орынбасары Кулумбетов Досбол Бүркітұлы
– Қорғаныс істері жөніндегі басқарманың бастығы, подполковник Макажанов Арман Рысқалиұлы
– Қаражал қалалық полиция бөлімінің бастығы, подполковник Жақаев Алмаз Жомартұлы

Сайыс нәтижелері бойынша:

🏆 1 орын — №3 жалпы білім беретін мектеп
🥈 2 орын — №1 жалпы білім беретін мектеп
🥉 3 орын — №7 жалпы білім беретін мектеп

Арнайы номинациялар бойынша:
– Үздік АК-74 жинаушы-бөлшектеуші
– Үздік мерген
– Үздік командир
Жеңімпаздар мен жүлдегерлер дипломдармен, медальдармен марапатталды. Мұндай іс-шаралар жастардың патриоттық тәрбиесін нығайтуға және азаматтық жауапкершілікті арттыруға ықпал етеді.