Жамбыл облысыҚоғам

Жамбыл облысында пойыз апатына кінәлілерге қатысты үкім шықты

Шу аудандық сотының шешімімен 3 қызметкер жауапқа тартылады. Шу жол дистанция басшысының орынбасары 3 жарым жылға, ал 2-ші учаскенің басшысы мен орынбасары екі жылға бас бостандығынан айырылды, – деп хабарлайды ktk.kz.

Сот процесі 9 айға созылды. 700 адамнан жауап алынып, 25 жеке және заңды тұлға жәбірленуші деп танылды. Бірақ зардап шегушілердің тек екеуінің ғана өтініші қанағаттандырылған. Апаттан көз жұмған 12 жастағы жасөспірімнің туыстарына сотталушылар моральдық және материалдық шығын есебінде 3 жарым миллион теңге беретін болды. Ал аяғын жарақаттаған екінші жәбірленушіге «Жолаушылар тасымалы» акционерлік қоғамы 500 мың теңге төлеуге міндеттелді.

“Бұл үкім бойынша олардың кінәлары мен тағылған айып өз дәлелін толық тапты. Себебі іс бойынша жинақталып, айыптау тарапынан ұсынылған дәлелдемелеріне сай айыптары дәлелденді”,  – деді судья Ернар Жаманқұлов.

Сотталушылар болса,  сот үкімімен келіспей отыр. Олар өздерінің кінәларын мойындаған жоқ. Сондықтан апелляциялық шағым түсірмек.

Басқа жаңалықтар

Пікір үстеу

Э-пошта мекенжайыңыз жарияланбайды. Міндетті өрістер * таңбаланған

Close